STORI ZA MAPENZI

MKASA WA KWELI! NI LAZIMA NILIPE KISASI TU! Naitwa Abdul Mazengo nimezaliwa katika mkoa wa Tabora miaka 28 iliyopita, ni mtoto w...

MKASA WA KWELI!

NI LAZIMA NILIPE KISASI TU!

Naitwa Abdul Mazengo nimezaliwa katika mkoa wa Tabora miaka 28 iliyopita, ni mtoto wa wa tatu katika familia yetu yenye watoto wanne. Kama nilivyosema ni kwamba nimezaliwa huko tabora na kusoma huko huko kuanzia darasa la awali mpaka darasa la kumi nambili baada ya hapo nikachaguliwa kujiunga na shule ya kibaha, kwa ajili ya elimu ya juu, ninamaanisha kidato cha tano na sita. Baada ya kihitimu kidato cha sita nikarudi nyumbani kwetu Tabora kusubiri matokeo na baada ya kutoka matokeo nilikuwa nimechaguliwa kujiunga na chuo kikuu cha Dar es salaam nikasoma kwa muda wa miaka mitatu na baada ya kumaliza masomo yangu nikaajiliwa hapo hapo Dar. (samahani nimeficha majina yangu halali na taarifa nyingine ni kwa sababu za usalama wangu!)

Nilifanya kazi Dar kwa muda wa miaka miwili tu ndipo mnamo tarehe 5 January 2011 nikapata barua ya uhamisho wa kutoka Dar kuja huku Unguja ambako nipo mpaka leo hii naendelea na kazi yangu. Ukweli ni kwamba nilishitushwa sana na taarifa hiyo kwani ilikuwa ni ghafla mno. Na barua hiyo ilikuwa inanitaka niripoti tarehe 08/01/2011 niwe tayari nimeshafika kwenye kituo changu cha kazi, sio siri nilikuwa nimechanganyikiwa sana lakini sikuwa na jinsi kama unavyoelewa serikali yetu ya Tanzania ilivyo, utakachoagizwa lazima utekeleze kama alivyosema mkuu. Basi tarehe 6/01/2011 nikaanza safari yangu kutoka Dar kuelekea Zanzibar. Na kwa sababu ilikuwa ni ghafla sana nilijitahidi kuchukua vitu vichache ambavyo vilikuwa vya muhimu kwa wakati ule.

Basi niliondoka Dar nikiwa na huzuni sana nikakata ticket then nikapanda boti na kuanza safari yangu kuelekea Zanzibar. Kwa kweli nilifika salama nikatafuta Guest moja, kesho yake asubuhi nikaanza kutafuta chumba cha kupanga, sikupata shida kupata chumba ingawa nilikuwa sijawahi kufika Zanzibar lakini pamoja na ugeni wangu nilibahatika kupata chumba haraka sana. Baada ya kupata chumba nikaenda kuchukua mizigo yangu kwenye Guest House niliyokuwa nimefikia na kuileta kwenye chumba changu, baada ya kuhakikisha nimepanga kila kitu sawa sawia, nikaenda ufukweni kupunga upepo na jioni nikarudi nyumbani kwangu.

Siku iliyofuata ilikuwa ni tarehe 8/01/2011 ilikuwa ni siku ya kuripoti kazini kwangu basi sikufanya ajizi nikiwa kama mfanyakazi mtiifu, nikaenda kuripoti kazini na kwa bahati nzuri nilipokelewa vizuri na mkuu wangu wa kazi, sio siri nilifurahi sana kwa namna ambayo nilipokelewa. Nikawa nimeanza kazi sehemu yangu mpya ya kazi.

Pale nilipokuwa nimefikia jirani kulikuwa na dada mmoja alikuwa anaitwa Noreen naweza sema kuwa huyu alikuwa ndiye mwenyeji wangu kwa eneo hili maana yeye ndiye alikuwa mtu wangu wa kwanza kabisa kuzoeana naye eneo lile. Noreen alikuwa mtoto wa tatu kuzaliwa katika familia ya mzee Hemmed Ramadan mwenyeji wa kisiwa cha Pemba. Alikuwa anasoma chuo kikuu cha Zanzibar ( SUZA) alikuwa anasomea Sheria mwaka wa tatu. Nooren alikuwa msichana mrembo mrefu mwembamba, na mweupe kama ilivyo asili ya wasichana wengi wa kipemba.

Ukweli ni kwamba nilizoeana na Noreen kwa muda mfupi sana na tuliweza kuwa marafiki waliopendana kwa muda mfupi sana hii ni kutokana na kwamba mtaani pale nilipokuwa nimepanga palikuwa hapana mvulana ama kijana yeyote mwingine ambaye ningeweza kuongea naye kila nilipokuwa nikitoka kazini. Hivyo nilimzoea sana Noreen naye pia alinizoea kama kaka yake. Hivyo alikuwa akija ghetto kwangu kuongea na wakati mwingine nilikuwa nikienda kwao.

Siku moja aliniomba nimsindikize kwenye harusi ya rafiki yake ambapo yeye alikuwa anakwenda kwa ajili ya kupiga picha za video. Sherehe iyo ilikuwa siku ya ijumaa usiku na ilikuwa inafanyika SALAMA HALL Bwawani. Nilikubali kuwa pamoja nae japo nilikuwa nimechoka lakini sikupenda kumuudhi rafiki yangu.Mnamo majira ya saa 11jioni tuliondoka nyumbani kuelekea nyumbani kwa Bwana harusi ambako ratiba nzima ilianzia hapo.
Noreen alivalia baibui la blue maalum kwa hafla za usiku likiwa limenakishiwa kwa vito vya rangi ya tanzanite.alivalia viatu virefu vya blue na mkoba wake wa begani pia wa blue.alichukua mfuko mweusi kama begi ambako kulikuwa na moving camera na taa yake kubwa. Mimi niliva suruali nyeupe ya kitamba,shati la blue mikonc mirefu, tai ya rangi nyeupe yenye michirizi myeusi.chini nilivaa 4 angle nyeusi. Tulitumia gari ambayo ilikodiwa maalum kwa ajili ya mpiga picha.tukiwa njiani kuelekea kwa Bwana harusi maeneo ya kwa MCHINA MWANZO tulikuwa tunataniana kama kawaida ya marafiki. Lakini ghafla Noreen aliniuliza kama nimeoa. Nilipomwambia bado sijaoa alifurahi sana na hata nilipomuuliza sababu ya kufurahi kwake hakuniambia.

Tulipofika kwa Bwana harusi alipanga vifaa vyake vizuri huku nikimsaidia kwa kufuata maelekezo yake. Hatimae majira ya saa 1na 30 tuliondoka kuelekea ukumbini (Salama hall). Sisi tulibadilishiwa gari na sasa tulitumia gari ya wazi ili tuweze kupata picha nzuri ya maharusi. Gari yetu ilikuwa ikibadilika uelekeo kulingana na maelekezo ya mpiga picha (Noreen)tulikuwa tukitangulia, mara tunarudi nyuma ili kupata picha tofauti.

Saa mbili na robo tulifika Bwawani,kwa hakika palipendeza sana.waalikwa wengi walikuwa wameingia ukumbini na hata walioambatana na maharusi walitakiwa waingie ndani,nje walibaki wasindikizaji wanne,watoto wawili wanaotangulia na maharusi wenyewe.Sisi tulikuwa mbele kidogo ili tupate picha zao wanapoingia na namna watu walivyojipanga ndani.Baada ya shughuli ya maharusi kuingia kukamilika taratibu nyingine ziliendelea,lakini wakati ratiba inafika mwisho na watu wanaondoka, Noreen alinitambulisha kwa rafiki zake kuwa mimi ni mme wake mtarajiwa.sikuonesha dalili ya kushtuka ingawa moyoni nilishtuka sana.tulisalimiana nao na kisha mimi niliwaacha nikasogea pembeni.wakati tupo kwenye gari tunarudi nyumbani (tulikuwa tunakaa daraja bovu karibu na gesti ya kwa mzushi) Noreen aliniuliza nimejisikiaje kwa vile nilivyomsaidia ktk upigaji picha. Nilimjibu kuwa nimefurahi kwa kupata mwalimu wa kunifundisha taalum nyingine.kisha akaniuliza tena kama nilichukia aliponitambulisha kuwa mimi ni mme wake mtarajiwa nilimwambia sijachukia wala sintoweza kuchukia zaidi ya kuomba iwe kweli.alicheka sana. Tulipofika nilimpeleka kwao kwanza then mimi nikaenda zangu kulala.lakini nilipoingia ndani Noreen alinipigia simu na kuniuliza kama nimechoka sana nikamjibu sijachoka,akaniambia kuna kitu anataka kuniambia kama naweza kumsikiliza kwa muda huo. Nilimjibu muda upo wa kutosha labda yeye awe amechoka tu.